Дзень першы ў аздараўленчым лагеры "Краіна Здароўя"

Дата: 2 июня 2022 в 12:49, Обновлено 7 июня 2022 в 18:02

Автор: Макась А. А.

133 просмотра

1 чэрвеня расчыніліся дзверы для вясёлай дзетвары ў аздараўленчым лагеры з дзённым знахожаннем дзяцей «Краіна Здароўя». З першай хвіліны выхавальнікі лагера сталі шчаслівымі жыхарамі «Вострава дзяцінства на планеце ЛЕТА». Нават сонечнае надвор’е садзейнічала стварэнню добрага настрою ў такі святочны дзень – «Дзень абароны дзяцей».

Адкрыццё змены пачыналася з урачыстай лінейкі «Нашы сімвалы – наш гонар». Гэты момант асабліва запомніўся маленькім выхаванцам лагера, каторыя раўняліся на старэйшых піянераў, якім пашчасціла ўзнімаць сцяг Рэспублікі Беларусь. Аб’яднала ўсіх дзяцей і сумеснае спяванне гімна нашай краіны.

Сапраўды дружнай камандай дзеці адправіліся ў вясёлае падарожжа з гульнямі ў час спартландыі «Беларусь – спартыўная краіна». Кожны стараўся быць самым спрытным, моцным і знаходлівым. З захапленнем выканалі заданні, праявілі свае здольнасці і таленты на гульнёвай пляцоўцы «Радасць, сонца і сябры, усіх у лагеры збяры!».

Увесь дзень выхаванцы лагера атрымлівалі асалоду ад разнастайных гульняў на свежым паветры, не забыліся і пра правілы бяспечных паводзін у час гульні, замацавалі свае веды па прафілактыцы захворванняў у час хвілінкі здароўя «Абарані сябе ад вірусаў».

Арганізаваны распарадак дня ў лагеры садзейнічае аптымальнай змене відаў дзейнасці дзяцей.