Пяты дзень ў аздараўленчым лагеры "Краіна Здароўя"

Дата: 7 июня 2022 в 17:31, Обновлено 12 июня 2022 в 12:11

Автор: Макась А. А.

153 просмотра

6 чэрвеня выдаўся сонечны і цеплы дзянёк. Такі ж «сонечны» настрой адчуваўся і ў выхаванцаў аздараўленчага лагера. Тэма дня – «Дзень рускай мовы ў ААН».

Арганізаваныя мерапрыемствы праводзіліся па сюжэтах рускіх народных казак. Літаратурная гасцёўня «Па сцяжынках казак» запрасіла дзяцей у захапляльнае падарожжа. Навучэнцы з задавальненнем узгадвалі літаратурных герояў, стараліся перадаць іх характэрныя рысы, нават сцэнічна паказвалі некаторыя сюжэты. Спартыўная гульня «Казачныя эстафеты» таксама была праведзена з элементамі казак.

У час хвілінкі бяспекі «Бяспечны інтэрнэт» выхавацелі звярнулі ўвагу дзяцей на тое, што ў жыцці не заўсёды дабро перамагае зло, таму трэба быць уважлівым да асабістай бяспекі. Цікава было дзецям і ў час прагулкі-назірання «Змены ў прыродзе летам», дзе яны даведаліся шмат новага і захапляльнага.