Сёмы дзень ў аздараўленчым лагеры "Краіна Здароўя"

Дата: 10 июня 2022 в 14:16

Автор: Макась А. А.

124 просмотра

8 чэрвеня тэма дня ў аздараўленчым лагеры – «Сусветны дзень акіянаў», адпаведна дзяржаўнага календара значных дат.

Шмат цікавага даведаліся выхаванцы на экалагічным часе «Цікавае жыццё мораў і акіянаў» пра жыхароў воднага свету, пра іх асаблівасці і прыспасобы да жыцця на глыбіні. Працягвалі разглядаць тэму значнасці вады ў нашым жыцці ў час хвілінкі здароўя «Сябры Мыйдадыра і наша здароўе». Асабліва ўзрадаваліся водным аздараўляльным працэдурам на свежым паветры ў такое спякотнае надвор’е. Весела і задорна правялі спартландыю «Хуткі, спрытны, умелы», замацавалі правілы бяспечных паводзін на дарозе ў час прагулкі-практыкума «Я па вуліцы іду». На занятку па мадэліраванні і канструяванні старэйшыя хлопцы атрада «Сузор’е» разам з настаўнікам працоўнага навучання распрацоўвалі праект выбранай мадэлі самалёта, якую будуць вырабляць у бліжэйшы час. У час занятка профільнага атрада «Юныя краязнаўцы» быў праведзены практычны занятак «Забалоцце ў гады Вялікай Айчыннай». Вельмі спадабаўся дзецям праведзены майстар-клас у Забалоцкім сельскім доме культуры «Я малюю дзяцінства», малюнкі атрымаліся яркімі і пазітыўнымі.