Чатырнаццаты дзень ў аздараўленчым лагеры "Краіна Здароўя"

Дата: 18 июня 2022 в 15:34

Автор: Макась А. А.

111 просмотров

16 чэрвеня тэма дня – «Дзень барацьбы з табакакурэннем».

Мерапрыемствы накіраваны на прафілактыку шкодных звычак і ўсіх хвароб, да якіх прыводзіць курэнне. Падчас гадзіны зносін «Шкодныя звычкі» выхаванцы правялі аналіз шкодных і карысных звычак, выказалі адмоўныя адносіны да дрэнных звычак: табакакурэння, ужыванню спайсаў, наркатычных сродкаў, алкаголю. Абмеркавалі меры і спосабы барацьбы з імі на хвілінцы здароўя «Не – тытуневаму дыму!». Прыйшлі да высновы, што лепш папярэдзіць шкодныя звычкі, чым потым весці барацьбу з імі. Весела і задорна была праведзена спартландыя «Малыя алімпійскія гульні», дзеці паказалі свае лепшыя спартыўныя вынікі, дапамагалі і падтрымлівалі адзін аднаго.

Цікава была праведзена экскурсія ў Забалоцкі сельскі дом культуры, дзе выхаванцы лагера ўдзельнічалі ў майстар-класе «У рытме танца», навучыліся танцавальным рухам, даведаліся пра вялікіх танцораў краіны і замежжа.